"Beynəlxalq Əlillər Cəmiyyəti" İB hazırda Azərbaycan Respublikasının Prezidenti yanında QHT-lərə Dövlət Dəstəyi Şurasının "" adlı layihəsini həyata keçirir. Layihənin icrası zamanı imtiyazlı vətəndaşların sosial problemləri qeydiyyata götürülərək həlli istiqamətində işlər aparılır. Koronavirus pandemiyası dövründə digər vətəndaşlarla yanaşı xüsusi qayğıya ehtiyacı olan imtiyazlı vətəndaşlara da dövlət tərəfindən lazımi qayğı göstərilməsi təqdirəlayiq olsa da, dezinformasiyanın qarşısını almaq təəssüf ki, mümkün olmur.  Bununla bağlı psixoloji gərginlik yaşanır.

İctimai Birliyiə müraciət edənlər arasında psixoloji gərginlik keçirənlər də çoxdur. Odur ki, onlar arasında maarifləndirmə işlərinin aparılmasına və psixoloji-mənəvi dəstək göstərilməsinə böyük ehtiyac var. Bu məqsədlə bu gün İB-in və layihənin psixoloqu İbrahim Əsədli psixoloji köməyə ehtiyacı olan bir neçə nəfərlə söhbət etmişdir.

Onlar arasında məcburi köçkünlər, müxtəlif qrupdan olan əlilliyi olan insanlar, müharibə veteranları və əlilləri, məhkumluqdan azad olmuş əlilliyi olan insanlar da var idi.

İbrahim Əsədli onlarla koronavirus pandemiyası dövründə panikaya düşməmək, özlərinin və yaxınlarının sağlamlığı üçün xüsusi karantin rejiminə əməl edərək qoruyucu vasitələrdən istifadə etməyin, gigiyenik qaydalara əməl etməyin  vacibliyini başa saldı, mövcud vəziyyətlə əlaqədar hər bir halda prezidentimizin göstərişlərinə əməl etməyin vacibliyi haqqında onlarla maarifləndirici söhbətlər apardı. Bundan başqa müharibə ilə əlaqədar keçirdikləri sarsıntılar, psixoloji gərginlikləri müəyyən qədər azaldılması üçün Qarabağda döyüş bölgəsində yaşayan insanlarla da telefon əlaqəsi saxlayaraq onlara mənəvi-psixoloji dəstək göstərildi.  

         Mətbuat xidməti

         27.10.2020