Avropa İttifaqının Azərbaycandakı Nümayəndəliyinin 15 illiyi
Avropa İttifaqının (Aİ) Azərbaycandakı nümayəndəliyi fəaliyyətinin 15 illiyi münasibəti ilə 26 yanvar tarixində Beynəlxalq Muğam Mərkəzində konsert proqramı təşkil edib.
Səfir Peter Mixalko çıxış edərək Aİ-nin Azərbaycandakı nümayəndəliyinin ölkənin dövlət təşkilatları və müxtəlif qurumları ilə fəal şəkildə əməkdaşlığından söz açıb, eləcə də Aİ-nin yüksək səviyyəli rəsmiləri olan Avropa Şurasının rəhbəri Şarl Mişelin və Avropa Komissiyasının rəhbəri Ursula Von der Lyayenin Bakıya səfərlərini xatırladıb.
Peter Mixalko onu da bildirib ki, Aİ Azərbaycanın işğaldan azad edilmiş ərazilərinin mina və partlamamış hərbi sursatlardan təmizlənməsində də sıx əməkdaşlıq edir, ANAMA-ya yardım göstərir. Səfir qeyd edib ki, Aİ indiyədək Azərbaycanda 50-dən çox tvinninq layihəsi təşkil edib.
Tahir Xudiyev
"Əlillər Dünyası" qəzetinin Baş Redaktoru,
“Beynəlxalq Əlillər Cəmiyyəti” İB və
”Türk Dünyası Turan Düşüncə Mərkəzi” İB-in sədri
27.01.2023