Litva - 105
Bu gün Litva dövlətçiliyinin bərpasının 105-ci ildönümüdür.
Bu münasibətlə fevral ayının 15-də Litva Respublikasının Azərbaycandakı səfirliyinin təşkilatçılığı, dövlət və beynəlxalq, eləcə də qeyri-hökumət təşkilatları nümayəndələrinin iştirakı ilə tədbir təşkil olunmuşdur. Litva Respublikasının Azərbaycan Respublikasındakı fövqəladə və səlahiyyətli səfiri cənab Egidiyus Navikas çıxışında Azərbaycan və Litva Respublikaları arasında müxtəlif sahələrdə ikitərəfli münasibətlərin inkişafından, dostluq və qardaşlıq əlaqələrindən söz açmışdır.
Tədbirdə “Beynəlxalq Əlillər Cəmiyyəti” İB-in sədri Tahir Xudiyev və İdarə Heyəti üzvü Ağalar Əliyev də iştirak edirdilər.
“Əlillər Dünyası” qəzetinin kollektivi adından Litva dövlətçiliyinin bərpasının 105-ci ildönümü münasibəti ilə Litva dövlətini və xalqını təbrik edirik.
“Əlillər Dünyası” qəzetindən
16.02.2023