İyun ayının 2-də Qazaxıstanın tanınmış “Tynda.Music” orkestri Bakıda ilk dəfə Heydər Əliyev Sarayında konsert proqramı ilə çıxış edib. Qazax dilindən tərcümədə “musuqi dinlə” mənasını verən “Tynda.Music” orkestri istedadlı prodüser, həm də orkestrin bədii rəhbəri və dirijoru Aydos Mendaliyev tərəfindən 1 il bundan öncə Almatıda yaradılmışdır. Aydos Mendaliyev həyat yoldaşı Aygerimlə birgə orkestrin hər bir işini təşkil edir, qostrol səfərləri keçirilər.Təşkil edilmiş kosert proqramlarından asılı olaraq orkestrin tərkibində 7-dən 150-dək istedadlı musiqiçilər iştirak edir. Yarandığı 1 il ərzində  "Tynda.music" 150 konsert proqramı ilə çıxış edib.

Bakıdakı konsert proqramında orkestr məşhur italyan bəstəkarı və pianoçusu

Lüdoviko Eynaudinin "Su yolları", "Andare", "Qızılgül", "Uçmaq", "Una Mattina", "Gecə kitabı", "Gecə", "Divenire", "Primavera", "Nuvolé bianche" və s. əsərlərini  ifa edib. Konsert tamaşaçılar, eləcə də konsertə dəvət alan “Beynəlxalq Əlillər Cəmiyyəti” İB-in üzvləri tərəfindən alqışlarla qarşılanıb. Sədr  Tahir Xudiyev və ictimai birliyin üzvü Davud Mahmudzadə əlilliyi olan və digər imtiyazlı şəxslərə diqqət göstərərək konsertə dəvət etdiyinə və möhtəşəm konsertə görə Aydos Mendaliyev və həyat yoldaşı Aygerim xanıma Təşəkkürnamə təqdim etmiş, gələcək işlərində uğurlar arzulamışlar.

Belə möhtəşəm konsertlər əlilliyi olan şəxslərdə müsbət hisslər, yüksək əhval-ruhiyyə yaratmaqla həmişəlik yadda qalır, onların cəmiyyətə inteqrasiyasına köməklik edir.

Məlahət Abdullayeva

"Əlillər Dünyası" qəzetindən      

03.06.2023